Deputeti socialist, Fatmir Xhafaj është shfaqur me një listë kritikash për ligjin që pritet që të miratohet për lojërat e fatit që i rihap sërish. Socialisti i vjetër kishte disa pyetje për zv/ ministren e Financave që mbrojti ndryshimet ligjore.
“Sa shans ka qe me përfshirjen e këtyre kompanive ky fenomen i trukimit të ndeshjeve të rritet më shumë. Por tani që bëhen të interesuar, pra këto kompani, se nuk investonin vetë, sa mundësi ka që kjo të bëhet shkak për të arritur te ky fenomen.
A kemi parashikime? Ju thatë se e njohim një risk të tillë. Ndaj meqë e njihni këtë risk, cila do të jetë qasja jonë në këto rrethana? Ky ligji nuk zgjidh gjithçka. Sporti i futbollit ka hyrë në një fazë të re” tha ai.
Megjithatë, pavarësisht mendimeve ndryshe apo dyshimeve, Edi Rama është i vendosur për të thyer premtimin e tij disa vite më parë dhe të rihapë bastet sportive.
